Halyqline.kz – үздіктер қатарында!

Күн құрғатпай айтқызбасын көңіл қос…

14.07.2020, 10:10 692 0

HALYQLINE.KZ


Тыңдаушысы қалың ойға бататын,

Әр сөзінде ұлы мұра жататын.

Қасіретті қайғы жұтып Сыр елі,

Мәңгілікке аттандырды-ау Ахатын.


Қаламменен қағазды өтті қастерлеп,

Әдебиетке ол өзіндік қосты өрнек.

Ес жиғызбай қайғы жұтқан Сыр елін,

Қош деместен кете барды-ау Әскербек.


Алудай-ақ алса да еш тоймадық,

Дегендейін мұңның бұлты айналып.

Төбемізден кетпей қойды-ау, ақыры,

Құрығына ілініпті-ау Айжарық.


Мына жаздың шыжуын-ай, шыжуын,

Көңілімді бұзуын-ай, бұзуын.

Қанша жанды алып кетті сұм тажал,

Бұдан әрі жалғамасын тізімін.


Адамдарға күш-жігер мен сенім дос,

Болса ғана өтпес мынау өмір бос.

Қазағымды аман сақтап Тәңірім,

Күн құрғатпай айтқызбасын көңіл қос.

Ұлықбек БЕКҰЗАҚҰЛЫ,

ақын

Пікірлер жоқ. Бірінші болыңыз!

Пікір жазыңыз

Тағы да оқыңыз: