ҚР Тәуелсіздігінің 30 жылдығы аясында, қала күні мерекесіне орай балалар арасында «Қызылорда менің көзіммен» атты қалалық жас суретшілер байқауы өтті.
Байқауды ұйымдастырудағы басты мақсат – патриоттық тәрбие беру, балалардың көркемдік-шығармашылық қабілеттерін дамытумен қатар, туған қаламыздың сұлулығын, көшелердің көркемдігін көрсете білу және саябақтар мен ескерткіштерімізді дәріптеу.
Балалар арасында ұйымдастырылған бұл байқауға 60-қа жуық талапкер белсене қатысып, жас ерекшелігіне байланысты екі топқа бөлінді. (6-9 және 10-15 жас аралығы)
Байқауда «Қосымша білім беру орталығының» маманы Дархан Ерленұлы, суретші, сазгер Жарылқасын Оразғұлов және кәсіпорынның көркемдік жетекшісі, ақын Ұлықбек Бекұзақұлы қазылық етті.
Нәтижесінде кіші топ (6-9 жас) санаты бойынша жүлделі 3-орынды Ануарбек Айғаным, 2-орынды Еркебұланқызы Жансая иеленсе, Мейіржанқызы Әмина 1-орын алып, үздік боп танылды.
Ал, үлкен топ санаты (10-15 жас) бойынша Сартаева Айым, Ибрагимова Зере, Құдайбергенова Адия 3-орын иегерлері атанды. Айдарбек Анель және Уразова Еңлік 2-орын алса, асқан шеберлік танытқан Жармахан Махаббат 1-орынды еншіледі.
Сондай-ақ, ерекше шығармасы үшін, «Ғажайып палитра» номинациясымен Қуаныш Ақжанат және «Сиқырлы қалам» номинациясымен Әмірбеков Рысдәулет марапатталды. Байқауға қатысқан барлық балаларға арнайы алғыс хаттар мен бағалы сыйлықтар табысталды.
Пікірлер жоқ. Бірінші болыңыз!