HALYQLINE.KZ Биыл – ҚР Мемлекеттік рәміздерінің қабылданғанына 30 жыл. Атаулы датаға орай аймақта жыл көлемінде 300-ге жуық әртүрлі форматтағы іс-шара ұйымдастырылды. Сондай-ақ, барлық аудандарда Мемлекеттік рәміздер күні кең көлемде өткізілмек. Өңірлік коммуникациялар қызметінде өткен баспасөз конференциясында Қызылорда облысы әкімі аппаратының басшысы Шахмардан Байманов БАҚ өкілдеріне облыста өткізілетін негізгі шаралар тізбесін баяндады.
2 маусымнан бастап әрбір сала бойынша елге танымал, беделді тұлғалардың қатысуымен «Менің туым – менің мақтанышым!» республикалық интернет компаниясы ұйымдастырылды.
Бүгінгі күні облыс көлемінде әртүрлі форматтағы 45 іс-шара ұйымдастырылды. Ал 3-4 маусым күндері 100-ден астам іс-шара өткізіледі деп жоспарлануда. Байқоңыр қаласында жалпыхалықтық «Менің Туым- Менің Отаным» атты патриоттық шеру болды. Патриоттық іс-шара барысы «Қазғарыш» сапары ғимаратынан басталып, «Арбат» аллеясына дейін жалғасты.
– Облыс орталығында 4 маусым күні «Рәміздер алаңында» аймақ басшысының қатысуымен мерекелік іс-шара өтеді. Шара аясында 20-дан астам жеңіл көлік, 10 мото, 200-ден астам вело шабандоздың қатысуымен «АВТО, МОТО, ВЕЛОШЕРУ» ұйымдастырылады. Осы күні республика көлемінде ҚР Мемлекеттік Гимнін орындау патриоттық акциясы өтеді. Сондай-ақ, «Туымыз төрімізде» республикалық акциясы шеңберінде қаланың орталық көшелері мен мөлтек аудандарда арнайы шара өткізу жоспарлануда, – деді Шахмардан Байманов.
Пікірлер жоқ. Бірінші болыңыз!