– Адамдар табиғатынан, түпкі жаратылысынан соншама сұлу…
Отбасымның, достарымның, таныстарымның, мені сыйлайтын адамдардың, тіпті мен мүлдем танымайтын адамдардың сүйіспеншілігін, жанашырлығын, қолдауын сезіндім.
Шіріген алмалар барлық жерде болады…
Дегенмен, олар салыстырмалы түрде азшылық…
Адам болу қандай жақсы…
Әр адамның өзінің табиғи жақсы қырлары болады…
Әркім бір кездері бала болғанын есіне алса екен…
Бала пәк, ақкөңіл, жүректеріне бар жақсылықты тиеп туады…
Барлығымызда да бұл табиғи болмыс бар…
Мен оған шын жүректен сенемін…
…Өмірде позитивті болу, ризашылық білдіру, күлу, сенім арту, жаңа нәрселерді білу, біреуді сүю … деген секілді еш себепсіз бақытты жасап алатын көптеген жолдары болады.
Осылардың қайсыбірін күн сайын орында.
***
– Төзімділік пен сабырлылық болса …
Армандары үшін ең қиынға да төтеп беруге батылдығы бар адам қалағанына қол жеткізуі әбден мүмкін…
Ол мансабың мен мақсаттарыңа тәуелді емес…
Сәттілік пен сәтсіздіктің айырмашылығы өте нәзік, шексіз жіңішке сызық ғана…
Кім болсаң да, бір күні өмір сенің бетіңнен шартып, өзіңе-өзің сұрақ қоюыңа мүмкіндік береді…
Осы сәтте, дәл осы мезетте сенің жасайтын әрекеттерің бүкіл өміріңнің үлкен бағытын сілтеп көрсетеді екен…
Жеңімпаздар ешқашан берілмейтінін, ал берілгендер ешқашан жеңе алмайтынын есте сақтау маңызды…
Жақсы көретін адамдарың, заттарың, әсіресе армандарыңнан ешқашан бас тартпа…
Өміріңнің ең қиын және ең нашар күндерінен өту үшін күрескің келмесе, онда сенің де өмірдің ең жақсы күндерінің дәмін татуға құқығың жоқ…
…Өмірде позитивті болу, ризашылық білдіру, күлу, сенім арту, жаңа нәрселерді білу, біреуді сүю … деген секілді еш себепсіз бақытты жасап алатын көптеген жолдары болады.
Осылардың қайсыбірін күн сайын орында.
***
– Қиындықтар мен кедергілер – үлкен жетістіктің қайнар көзі…
Бүгінгі биіктен өткен өміріме көз жүгіртсем адам нанғысыз…
Мен өмірімде талай зұлмат күндерді бастан өткердім…
Көптеген сәтсіздіктер, үмітсіздік, қайғы, құлазу, құлдырау, көз жасы…
Менде беріле салуды ойлаған, кері шегініп қайтқым келген күндер көп болды, бірақ қандай да бір себептермен орнымнан тұрыппын…
Бүгін мен өмірімдегі қиын күндерді еске алып қуанып әрі шүкір етіп отырмын…
Сол күндер болмаса, мен бүгінгі биікке жетпес едім…
Кедергілер бізге ешбір университеттік диплом үйрете алмайтын нәрселерді үйретеді…
Ол бізге жетістіктің маңызды жолдарын үйретеді: кішіпейілділік, күш-қуат, аштық, төзімділік, шынайылық, интеллектуалдық, әділеттілік, табандылық, еңбек этикасы, батылдық, өсу және т.б. көп нәрселерді береді…
…Өмірде позитивті болу, ризашылық білдіру, күлу, сенім арту, жаңа нәрселерді білу, біреуді сүю … деген секілді еш себепсіз бақытты жасап алатын көптеген жолдары болады.
Осылардың қайсыбірін күн сайын орында.
***
– Ешкім де жалғыз өзі табысқа жете алмайды…
Бұл өмірде маған қаншама керемет адамдар батасын берді…
Олардың қолдауымен мен көптеген істерді тындырып, біршама табыстарға жеткенімді білемін.
Олардың сүйіспеншілігі, даналығы, кеңесі мен қолдауы болмаса, мен ештеңе болмас едім…
Рақмет барлығыңа…
…Өмірде позитивті болу, ризашылық білдіру, күлу, сенім арту, жаңа нәрселерді білу, біреуді сүю … деген секілді еш себепсіз бақытты жасап алатын көптеген жолдары болады.
Осылардың қайсыбірін күн сайын орында.
Амантай ТОЙШЫБАЙҰЛЫ
(Басы өткен санда. Жалғасы бар.)
Пікірлер жоқ. Бірінші болыңыз!