Halyqline.kz – үздіктер қатарында!

Еврей мақал-мәтелдерінен

20.08.2022, 10:00 257

HALYQLINE.KZ

Өзгені өзгертің келсе, алдымен өзіңді өзгерт.

* * *

Өткені туралы айта беретіндердің бүгінінде мақтанатын түгі жоқ.

* * *

Ешкімге қызғанышпен қарама, қызғаныш саулығыңды құртады.

* * *

Әйелді ұзақ таңдаған ең жаманына жолығады.

* * *

Ең әдемі әйел – сары шашты, ең қылықты әйел – қара шашты, ал ең адалы – ақ шашты болады.

* * *

Әйелдер қашан сөйлегенше ғана әдемі, тартымды және жағымды.

* * *

Махаббат тоқтаса, онда оның әлі басталмағаны.

* * *

Адамдар «тәжірибе» деп өздерінің қателіктерін атайды.

* * *

Қандайда бір іс біткенде ақылшылар табыла кетеді.

* * *

Құдай адамның жүрегін жаралағысы келсе, оған көбірек ақыл береді.

* * *

Біреу басыңа шықпасын десең, аяғына жығылма.

* * *

Үйдің қожасы көп болса, қонақ аш қалады.

* * *

Біреуді қызғану – өзіңді одан кем көру.

* * *

Өзгені тыңдағысы келмейтіндердің дауысы қатты шығады.

* * *

Ақымақтар шыға алмайтын жерге ақылдылар кіре алмайды.

* * *

Кейде үлкен даналық – наданның сөзін айтпауымен көрінеді.

* * *

Адам қартайғанда нашар көреді, бірақ көбірек байқайды.

* * *

Біреуден құтылғың келсе, қарыз бер.

* * *

Жақсылыққа тезірек жауап бер, жамандыққа жауап беруді кейінге қалдыр.

* * *

Біреуді ешкімнің ұнатпауы – қасірет, бірақ бәрі жақсы көретін адамнан сақ бол.

* * *

Әркім өзгені өзінің азғындық дәрежесімен кінәлайды.

* * *

Сізді сыйлайтын жерге жиі бармаңыз, ал жек көретін жерге жоламаңыз.

* * *

Бәрі ақшасының аздығына қиналады, ақылының аздығына – ешкім.

* * *

Жамандық келгенше ешкім жақсылықтың қадірін білмейді.

* * *

Құдай барлық жерде бір мезгілде бола алмайды, сондықтан ананы жаратты.

* * *

Жауыңның ақылды болғаны емес, досыңның ақымақ болғаны қорқынышты.

* * *

Құдай адамға көп тыңдап, аз сөйлеу үшін екі құлақ, бір ауыз берген.

* * *

Бәріне жақсылық жасай беретіндер ешкімнен алғыс алмайды.

* * *

Біреудің ақымақтығынан сабақ алуды үйрен.

* * *

Жақсылық есте ұзақ сақталады, жамандық одан да ұзақ уақыт естен кетпейді.

* * *

Адамға қалай қарасаң, ол да саған солай көрінеді.

* * *

Ең жақсы сөз – керең де еститін сөз.

* * *

Тістеу қолыңнан келмейтін болса, тісіңді көрсетпе.

* * *

Егер кітап пен алтын қолыңнан түсіп кетсе, кітапты бірінші көтеріп ал.

* * *

Екі адам ғана сенің өліміңе сенбейді: сені жақсы көретіндер мен жек көретіндер.

* * *

Өзінің барлық проблемасын айтып, қуанышын білдірмейтін адамға сенбе.

* * *

Барлығы уақытқа қарайды, ал уақыт ешкімге қарамайды.

* * *

Егер ақылды ақымақпен әңгімелесіп отырса, онда екі ақымақтың сөйлесіп отырғаны.

* * *

Кәріліктен қорықпа, жалғыздықтан қорық.

* * *

Қиналмай уәде беретінге сенбе.

* * *

Қарызды жұрт көзінше, сыйлықты жасырып бер.

* * *

Егер өмірің жақсармаса күт, ол нашарлай түседі.

* * *

Желкеңе мініп алмасын десең, тым иіле берме.

* * *

Жауыңа жақсылық жаса, ол білсін және ұялсын.

* * *

Құдайды күнәларымызбен, адамды абыройымызбен ашуландырамыз.

Орыс тілінен аударған Ахмет Өмірзақ.

Facebookтегі парақшасынан алынды.

Пікірлер жоқ. Бірінші болыңыз!

Пікір жазыңыз

Тағы да оқыңыз: