«Тұңғиық» жыр жинағының авторы, ақын Айгүл Жұмаділ Жаңаөзен жұмысшыларының жанайқайына арнап «Жаңаөзен» өлеңін шығарды.
Жаңаөзен – жаңалықтың жаршысындай,
Жаңаөзен – жанарымның тамшысындай!
Жаңаөзен – жон арқадан жын алатын
Қазақтың қырық таспа қамшысындай!
Жаңаөзен – Рух мекені, киесі бар,
Киенің Қазақ деген иесі бар!
Намысы жанартаудай Жаңаөзеннің
Сөзі – серт!
Жігіті – арыс!
Түйесі – нар!
Жаңаөзен – жүрегім бе лүпілдеген?
Жүректен қуат алар бүкіл денем!
Жаңаөзен – бар қазақтың жан дауысы
Жоғымды леп белгімен бүтіндеген!
Жаңаөзен – жаңа дәуір, жаңа қазақ,
Жаңарсын, жақсыға бұр, жан азамат!
Күн шықса, сенен шығар жарқылдаған
Ескіні шығаратын жаназалап…
АЙГҮЛ ЖҰМАДІЛ
Пікірлер жоқ. Бірінші болыңыз!