HALYQLINE.KZ Алматы қалалық мәслихатының депутаты, Сидней Олимпиадасының чемпионы еліміздегі 11 мың кедейді «арпа ішіндегі бір бидай» деп қана есептейді екен…
Боксшы, халықаралық спорт шебері, Сидней Олимпиадасының жеңімпазы Ермахан Ибраимов Нартай Аралбайұлына сұхбат беріп, екі сөзінің бірінде «айтады ғой, айтады ғой…» деп отырып-ақ біраз әңгіменің басын шалды.
Алматы қалалық мәслихатының депутаты ретінде ол еліміздегі 11 мың кедейді «арпа ішіндегі бір бидай» деп қана есептейді екен. Сондай-ақ, былтыр елордада үйдің өртенуі салдарынан көз жұмған 5 баланың ата-анасын «түк көрмеген» деп айыптады.
«Шынына келгенде, бұл – өте өкінішті. Бүкіл Қазақстан дүр сілкінді. Әрекет жасаған кезде, үйден шығар кезде барлық қауіпсіздікті қарастырып кетуі керек еді. Ең болмаса, көршіге тапсырып кет, бірақ 5 баланы түнде қалдырып кету деген дұрыс емес. Туған-туысы бар, әке-шешесі бар, соларға тапсырып кет. Бес баланы сыртынан жауып кетіп қалу деген – нағыз түк көрмегендік!» – деді боксшы-шенеунік.
Сол сәтте журналист оның өзінің де Дубайда қыдырып жүріп, ұлын қараусыз қалдырғанын алға тарта қойды. Ал Ермахан Ибраимов баласының сол кезде бассейнге батып кетіп қайтыс болғанын «Құдайдың ісі» деп құтылды.
Пікірлер жоқ. Бірінші болыңыз!