Halyqline.kz – үздіктер қатарында!

Тұрғындар тазалыққа мән беруі керек

28.08.2020, 12:50 219 0

HALYQLINE.KZ Баршамызды біраз әбігерге салған коронавирус індетімен күрес шаралары қарқынды түрде жүргізілді. Мерзімінде енгізілген карантин шараларының нәтижесінде індетті ауыздықтауға мүмкіндік туды.

Әлем елдерін дүр сілкіндірген бұл індет – адамдар арасында тез таралуымен ерекшеленетін аса қауіпті ауру.

Індеттің негізгі қоздырғышы – коронавирустың жаңа түрі «2019-nCov2». Осы індеттің халық арасында таралуының алдын алу мақсатында еліміз бойынша төтенше жағдай жарияланған болатын. Коронавирус індетінен сақтану шаралары бойынша халық арасында көптеген санитариялық-ағарту жұмыстары жүргізілгеніне қарамастан аталмыш дерт біздің Сыр өңірін айналып өткен жоқ. Жаңақорған ауданында тіркелген жағдайларға байланысты денсаулық сақтау саласы қызметкерлері күшейтілген жұмыс режимінде жұмыс жасады және соңғы науқас сауығып шыққанға дейін көптеген тірліктер іске асырылды.

Менің айтпағым, тұрғындар тарапынан сақтық шараларына әлі де жете мән берілуі керек. Жұмыс істеуге рұқсат етілген барлық еңбек ұжымдарында санитариялық талаптар қатаң сақталуы тиіс. Сондықтан барша тұрғындарды сақтық шараларына үлкен жауапкершілікпен қарауға шақырамын.

Сондай-ақ, жиын-тойларды барынша тоқтатып, коронавирус инфекциясынан сақтану шараларына баса мән берулеріңізді сұраймын. Адамдармен қарым-қатынаста, көшеде жүргенде үнемі бетперде киіп, қолды сәт сайын антисептикалық сұйықтықтармен жууды қаперде ұстайық.

Асқан Отарбеков,

Жаңақорған ауданаралық ауруханасының жоғары санатты дәрігер-эпидемиологы

Пікірлер жоқ. Бірінші болыңыз!

Пікір жазыңыз

Тағы да оқыңыз: