Halyqline.kz – үздіктер қатарында!

Нәлібаев азаматтарды онлайн қабылдады

30.09.2020, 9:10 490

HALYQLINE.KZ

Кеше қала әкімі Нұрлыбек Нәлібаев тұрғындарды жеке мәселелері бойынша қабылдады. Онлайн қабылдауға жүгінген тұрғындар  сауалының басым бөлігі тұрғын үй, жер, жұмысқа орналасу және шағын кәсіпкерлікке байланысты болды, деп хабарлайды Қызылорда қаласы әкімінің баспасөз қызметі.

Шаһар басшысының қабылдауына әлеуметтік мәселесін айта келген тұрғынның бірі – Жамбыл Баймаханова. Зейнеткер өзінің келіні, жалғыз басты ана Алтынкүл Назароваға пәтер сұрап келген. Аталмыш азаматша тұрғын үй алу кезегіне 2012 жылдың 15 наурызында көпбалалы аналар тобына тіркелген. Тұрғынның сауалын тыңдай келе қала әкімі Нұрлыбек Нәлібаев бүгінгі таңда кезек ретінде 19-шы болып тұрған Алтынкүл Құдайбергенқызына жыл соңына дейін баспана кілті табысталатынын айтты.

Жеке қабылдауға жазылған тұрғындар уақытша пәтер, өз кәсібін дамыту сынды мәселелерін де көтеріп, сауалдарына сәйкес толық жауаптарын алды.

Қабылдауға келген тұрғындардың өтініштері мен ұсыныстарын мұқият тыңдап, мұң-мұқтажын ескеріп, әр мәселені егжей-тегжейлі талдаған қала әкімі көтерілген сауалдарға байланысты зерделеу жұмыстарын жүргізіп, тиісті шараларды заң аясында қабылдауды сала басшыларына тапсырып, бірқатар міндеттер жүктеп, орындалу барысы өз бақылауында болатынын жеткізді.

Пікірлер жоқ. Бірінші болыңыз!

Пікір жазыңыз

Тағы да оқыңыз: