Елімізде мемлекеттік қызметшілер арасынан есірткіге тәуелді онға жуық адам анықталған. ҚР Ішкі істер министрлігі Есірткі қылмысына қарсы күрес департаменті бастығының орынбасары Бақытжан Әмірхановтың сөзінше, олар жұмыстан босатылған, деп хабарлайды Bugin.kz порталы.
Әмірханов қазір мемлекеттік қызметшілер мен әскери қызметкерлерге есірткі қолдану фактісін анықтау мақсатында жаппай скринингтен өткізу пилоттық жобасы жүзеге асырылып жатқанын мәлім етті.
«Әскери және мемлекеттік қызметшілер де адамдар. Олардың арасында есірткіні қолдана алатындар да бар. Нашақорлыққа тәуелділік бұл қылмыс емес, бұл да – құмар ойындарға тәуелділер сияқты аурудың бір түрі. Ал оларды анықтау үшін скринингтік тестілеуге жүгінеміз», – деді ол.
ІІМ Есірткі қылмысына қарсы күрес департаменті бастығы орынбасарының айтуынша, биыл полицейлер арасында да есірткі қолданатын үш қызметкердің бары анықталыпты. Оның біреуі Астанада жұмыс істеген.
Сурет ашық дереккөзден алынды.
Пікірлер жоқ. Бірінші болыңыз!