Облыс аумағында апта көлеміндегі рейд нәтижесінде 5 мыңнан астам құқық бұзушылықтың жолы кесілді.
Атап айтқанда, көлік құралын масаң күйде басқарудың 20, белгіленген қозғалыс жылдамдығын асырудың 1 107, жол қозғалысына қатысушылардың қауіпсіздігіне қатысты талаптарды сақтамаудың 694, жол қиылыстарынан өту қағидаларын бұзудың 167 және маневр жасау қағидаларын бұзудың 265 дерегі анықталды.
Сондай-ақ көлік құралын басқаруға қажетті құжаттары жоқ немесе басқару құқығына қатысты талаптарды бұзған жүргізушілерге байланысты 228 дерегі тіркелді.
«Заң және тәртіп» қағидатын нығайту, жол-көлік оқиғаларының алдын алу және қоғамдық қауіпсіздікті қамтамасыз ету мақсатында Қызылорда облысының аумағында полиция қызметкерлері рейдтік-профилактикалық іс-шараларды тұрақты түрде жүргізуде.
Жолдағы тәртіп — әр адамның қауіпсіздігінің кепілі. Ережені сақтаңыз, өміріңізді қатерге тікпеңіз!
Пікірлер жоқ. Бірінші болыңыз!