Halyqline.kz – үздіктер қатарында!

Әйел алсаң, кедейшіліктен құтыласың…

13.06.2021, 15:00 164 0

HALYQLINE.KZ

Баяғыда бір кедей өмір сүріпті. Ол қанша тырбанса да, жарлылықтан құтыла алмаған көрінеді. Әбден зығырданы қайнаған кедей бір данышпаннан ақыл сұрай барыпты.

– Уа, тақсыр, сізге бір өтінішім бар еді. Жоқшылықтан әбден қажыдым, не әрекет етсем де бірім екі болмайды. Бұл қалай, не кеңес бересіз?

Данышпан оған үйленуге кеңес беріпті.

– Мұныңыз қалай, тақсыр, ішерге ас, киерге киім таба алмай жүргенде, үйлену менің немді алған?-деп безек қағады кедей.

Данышпан оны егіндікке ертіп барып, пісіп тұрған бидайды оң қолымен ғана (сол қолын тигізбей) оруға бұйырады да:

– Орғаныңды бір жерге жия бер,-деп кетіп қалады. Сәлден соң қайтып келген данышпан:

– Өндіре алмапсың ғой, бұл қалай?-депті кедейге.

– Сыңар қолмен қиын екен, тақсыр.

– Ендеше, қос қолдап орып көрші.

Қос қолдап орған кедей жұмысты өндіріп тастайды. – Есіңде болсын, жігітім,-дейді данышпан, – оң қол – ер, сол қол – әйел. «Бас екеу болмай, мал екеу болмайды». Әйелің өзіңе сүйеніш, ақылшы, жәрдемші болса, кедейшіліктен де құтыласың, – деп әлгі жігітке өз ақылын айтыпты.

Пікірлер жоқ. Бірінші болыңыз!

Пікір жазыңыз

Тағы да оқыңыз: