Halyqline.kz – үздіктер қатарында!

Қызылордада 35 орман өрті оқиғасы тіркелген

27.05.2020, 12:10

HALYQLINE.KZ Қызылорда облысы көлемінде мемлекеттік орман қоры жерлері 6,5 млн га құрайды, оның ішінде орманмен қамтылғаны – 3,1 млн га, осы аумақтың 89 пайызын сексеуіл ормандары алып жатыр. Бұл туралы Облыстық орман және жануарлар дүниесі аумақтық инспекциясының басшысы Ғалымжан Орақбаев баяндады.

«Биыл 26 наурыздан бастап облыстың мемлекеттік орман қоры өрт қаупі бар маусым белгіленді. Осы уақытқа дейін 199,31 га құрайтын 35 өрт оқиғасы тіркелді. Оның 80,96 гектары орманды жерлерді, 117,31 га ормансыз жерлерді қамтыды. Сонымен қатар, аймақта балық шаруашылығының маңызы зор. Облыста Кіші Арал теңізі мен жергілікті маңызы бар көлдерден кәсіпшілік балықтың 14 түрі аулануда. Кіші Арал теңізінің 18 учаскесі толықтай және жергілікті маңызы бар 207 көлдің 87 пайызы аудан (қала) әкімдіктерімен конкурс негізінде табиғат пайдаланушыларға бекітіліп берілген. Қалған 27 көл резервтiк қорда», – деді Ғалымжан Жәдігерұлы.

Сондай-ақ, облыс көлемінде табиғат қорғау мекемелерімен және құқық қорғау органдарымен бірлескен іс-шаралар аясында 16 қылмыстық іс анықталып, 4-еуі сот органдарына жолданды. Оның 3-еуі – секесеуіл ағашына, 5 ісі – балық аулау фактісіне, 7 ісі – тораңғыл ағашына, 1 ісі – қарақұйрық, 5 ісі киік аңына қатысты болып отыр.

Пікірлер жоқ. Бірінші болыңыз!

Пікір жазыңыз

Тағы да оқыңыз: