Halyqline.kz – үздіктер қатарында!

Электр желілері жаңартылуда

05.04.2021, 14:30 392

HALYQLINE.KZ Соңғы бес жылда шаһарда және Арал, Қазалы, Сырдария аудандарында бірқатар қосалқы станциялар мен трансформаторлық қондырғылар орнатылды. Ал былтыр Жосалы мен Төретамда 35/10 кВ қосалқы станциясы қайта жаңғыртылды. Бұл туралы Өңірлік коммуникациялар қызметінің ақпарат алаңында өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев мәлімдеді.

Сондай-ақ, 1965 жылдан бері жаңартылмаған электр желілері бар. Бұлар да кезең-кезеңімен күрделі жөндеуден өтеді.

Жалағаш ауданындағы Аққыр, Мәдениет, Жаңадария, Жаңаталап, Аққұм, Бұқарбай батыр елді мекендеріндегі тозығы жеткен электрмен қамту жүйелерін жаңғыртуға облыстық бюджеттен 442,6 млн тенге бөлінді. Бүгінде Аққыр, Мәдиниет, Жаңадария елді мекендерінің тұрғындары жаңғыртылған электр желілеріне қосылды. Қалған үш елді мекенде құрылыс жұмыстары жүруде, – деді Ерлан Мақсотұлы.

Биыл «Нұрлы-жер» мемлекеттік бағдарламасы аясында 60 шақырымды құрайтын электр желісінің құрылыс жұмыстары басталады.

Сала мамандары 2022 жылы Аралда қуаттылығы 20 мегаватты құрайтын күн электр станциясы салынатынын айтты.

Қазіргі таңда, 100-ден аса шаруа қожалық қуаттылығы 2 киловаттан асатын күн сәулесімен жұмыс істейтін кіші электр станцияларды тұрақты пайдалануда.

Пікірлер жоқ. Бірінші болыңыз!

Пікір жазыңыз

Тағы да оқыңыз: