Қазақстанда базалық мөлшерлеме деңгейі өзгеріссіз қалды, деп хабарлайды Қазақстан Ұлттық Банкі.
Реттеуші шешіміне сәйкес, базалық мөлшерлеме жылдық 18,0% деңгейінде сақталды, ал дәліз ±1 пайыздық тармақ шегінде белгіленді. Мұндай шешім инфляция қарқынының баяулауына байланысты қабылданған. 2026 жылдың наурыз айында жылдық инфляция 11,0%-ға дейін төмендеді, ал бір ай бұрын бұл көрсеткіш 11,7% болған.
Ұлттық банк мәліметінше, бағаның төмендеуі барлық негізгі санаттарда байқалған. Атап айтқанда, азық-түлік, азық-түлікке жатпайтын тауарлар мен қызметтер бағасының өсімі баяулаған. Бұған қатаң ақша-несие саясаты, ұлттық валютаның нығаюы, тұтынушылық сұраныстың тұрақтануы және үкіметтің бағаны ұстап тұру шаралары әсер еткен.
Сонымен қатар, айлық инфляция 0,6%-ға дейін төмендегеніне қарамастан, қазіргі көрсеткіштер әлі де 5% деңгейіндегі мақсатты межеден жоғары. Бұл экономикада инфляциялық қысымның сақталып отырғанын білдіреді.
Фото: STEPPE телеграм арнасы
Пікірлер жоқ. Бірінші болыңыз!