Halyqline.kz – үздіктер қатарында!

Қазақстан: Халықтың несиесі 10 трлн теңгеден асты

11.02.2022, 16:45 280

HALYQLINE.KZ Бір жылда банктердің берген несиесі 26% өсті. Банктердің берген несиесі қаңтар айының қорытындысы бойынша соңғы бір айда 3,7%, ал былтырғы қаңтардан бергі бір жылда 26,5% көбейіп, 18 497,7 млрд теңгені құрады.

«Соның ішінде заңды тұлғаларға кредиттер көлемі бір айда 7 758,8 млрд теңгеге дейін 3,5%-ға, жеке тұлғаларға 10 738,8 млрд теңгеге дейін 3,8%-ға ұлғайды», – деп хабарлайды Ұлттық банк.

Ұлттық валютадағы кредиттер көлемі бір айда 16 588,2 млрд теңгеге дейін 3,8%-ға ұлғайды. Олардың құрылымында заңды тұлғаларға кредиттер 3,8%-ға, жеке тұлғаларға кредиттер 3,9%-ға өсті. Шетел валютасындағы кредиттер көлемі 1 909,5 млрд теңгеге дейін 2,6%-ға ұлғайды. Олардың құрылымында заңды тұлғаларға кредиттер 2,6%-ға өсті, жеке тұлғаларға кредиттер – 0,9%-ға төмендеді. 2021 жылғы желтоқсанның соңында теңгемен кредиттердің үлес салмағы 89,7% болды.

Ұзақмерзімді кредиттер көлемі бір айда 16 030,5 млрд теңгеге дейін 3,9%-ға, қысқамерзімді кредиттер көлемі – 2 467,2 млрд теңгеге дейін 2,7%-ға ұлғайды.

2021 жылғы желтоқсанда банктік емес заңды тұлғаларға ұлттық валютамен берілген кредиттер бойынша орташа алынған сыйақы мөлшерлемесі 12,2% құрады.

Пікірлер жоқ. Бірінші болыңыз!

Пікір жазыңыз

Тағы да оқыңыз: