Сыбайлас жемқорлыққа қарсы еріктілер қатарына жедел жәрдем станциясының қызметкерлері қосылды. Жемқорлыққа қарсы күрес аясында қаланың 100 жедел жәрдем көлігінде Антикор сенім телефонының нөмірімен «пара берме, пара алма» жадынамасы жабыстырылды.
«Сыбайлас жемқорлыққа қарсы волонтерлік» жобасының мақсаты белсенді азаматтарды, мемлекеттік органдарды, квазимемлекеттік сектор субъектілерін еріктілер ретінде сыбайлас жемқорлыққа қарсы қызметке тарту болып табылады.
Аталған іс-шараны қолдау үшін облыстық жедел медициналық жәрдем станциясының қызметкерлері ерікті болды.
Волонтерлердің пікірінше, Антикор сенім телефонының нөмірімен «пара алмаңыз» деген арнайы жадынамалар тұрмыстық сыбайлас жемқорлықты жоюға көмектеседі.
Естеріңізге сала кетейік, бұған дейін бұл жобаға Қызылорданың жергілікті полиция қызметінің қызметкерлері қосылған болатын. Патрульдік автомобильдерге сыбайлас жемқорлыққа қарсы жадынамаларды жабыстыру бойынша осындай іс-шараларды полицейлер жүргізді.
Айта кетейік, «Сыбайлас жемқорлыққа қарсы волонтерлік» жобасы аясында Қызылордада 110-нан астам волонтер тіркелген.
Бұл жобаға «Қызылорда еріктілері» ҚҚ, Қорқыт Ата атындағы университет студенттері, медициналық қызметтің, төтенше жағдайлардың, жергілікті полиция қызметінің қызметкерлері және т.б қосылды.
Еріктілер қатарына қосылған белсенділер бірлескен жұмыс қоғамда сыбайлас жемқорлыққа төзбеушілік ахуалын нығайтуға мүмкіндік беретініне сенімді.
Антикор бей-жай қарамайтын азаматтарды «Сыбайлас жемқорлыққа қарсы волонтерлік» жобасына қатысуға шақырады. Ол үшін Қызылорда қаласы, Желтоқсан көшесі, 156а мекенжайы бойынша немесе +7 705 1030100 телефоны бойынша хабарласу қажет.
Пікірлер жоқ. Бірінші болыңыз!