Halyqline.kz – үздіктер қатарында!

Нұр-Сұлтанда Қызылорда облысы шаруаларының жәрмеңкесі өтеді

17.09.2020, 9:30 360

HALYQLINE.KZ «Елордадағы жәрмеңкеге Қызылорда және Ақтөбе облыстары 540 тонна азық-түлік әкеледі» деп хабарлады әкімдіктің ресми сайты.

19 және 20 қыркүйекте «Хан-Шатыр» СОО жанындағы алаңда (Қонаев көшесі мен Тұран даңғылының қиылысы) Қызылорда және Ақтөбе облыстары шаруаларының жәрмеңкесі өтеді. Олар нарықтан 10-15% төмен бағамен 80-нен астам тауар түрін ұсынады.

Барлығы 540 тонна өнімді, оның ішінде: 146 тонна күріш, 129 тонна картоп пен көкөніс, 62 тонна ет, 30 тонна балық өнімдері, 13 мың дана тауық жұмыртқасы, 7 тонна шұжық өнімдері, 5 тонна ұн және макарон, 5 тонна алкогольсіз сусындар және тағы басқа өнімдерді сату жоспарланып отыр.

Жәрмеңкеге 90 отандық өндіруші қатысады («Айс» ЖШС, «Агрофирма Тау» ЖШС, «Ново-Альджанский мелькомбинат» ЖШС, «Рамазан» ЖШС, «Ақтөбе-нан» ЖШС, «Айбек» ӘКК шұжықтары мен ет деликатестері, «Степное» ЖШС, «Рокос» ЖШС, «Изет ГринХаус» ЖШС және «Гринхаус Қазақстан» ЖШС жылыжай көкөністері, «Мир круп» тұзы, «Жаңажол» күріш, «Сырмаржаны», «Байқоңыр» Агрохолдингі», «Наймир», «Байқоңыр» ӘКК).

Келушілер маска тағып, антисептик қолданып, қатаң санитарлық-гигиеналық нормаларды сақтауы тиіс.

Пікірлер жоқ. Бірінші болыңыз!

Пікір жазыңыз

Тағы да оқыңыз: