• Малғұнға аспан аяқтай, жер табақтай.
• Еріншек елегін есінеп отырып елейді.
• Досыңның төрінде болғанша көңілінде бол.
• Жаман да, жақсы да тамырсыз тумайды.
• Шаруаның көшкені – айт, қонғаны – той.
• Бойдағы кеселді батпақ бұзады, құм сорып алады.
• Сүйек тамыр сүйенісіп күн көрер.
• Жарлы болар жігіттің ұйқысы бір қанбайды.
• Бесігің мен көріңнің арасы – есігің мен төріңдей.
• Адам – адамға қонақ, жан – кеудеге қонақ.
• Бір дәрігер – дәрігер, бір дәрігер – әбігер.
• «Есек» құрдас болғанмен мұңдас болмайды.
• Еркенің көзі жасты, аяғын бұзау басты.
• Іздеушің болмаса, ізің де қалмайды артыңда…
• Жігіт өз әліне өзі ұшырайды.
• Тәуекел тау бұзады.
• Өлдің – опат болдың, сөндің – өштің.
• Қарғыс атқан қазанына түкіреді.
• Таяқ жейтін бала әкесінің сақалымен ойнайды.
• Тамырын тартса, тау да қозғалады.
• Ауру – астан, дерт – настан.
• Тышқақтан жабағы ауыспайды.
• Мал – баланың шашуы, тандыр қызық үстінде…
• Етегі елпі, жеңі желпі желөкпеден үміттенбе.
• Бөріні бөрі ұлып табады.
• Балдан жұғар, бардан тамар.
• Жас бала да бір, жас бұтақ та бір.
• Өтелек тартқан өлгенін білмейді.
• Шайнағаның неғайбыл, жұтқаның бұйырған.
• Құрдастың елдігі жоқ.
• Аруақ шалған ақ шапан киеді.
• Өзіңде жоқ болса, жақының да жат болар.
• Бұзылғандармен бидай қуырып оңбайсың.
• Табанының бүрі жоқтың жүрегінде қылы жоқ.
• Пілдің асын ішіп, шілдің жұмысын істейтіндер – өзінің соры.
• Текті айғыр ақырды ластамайды.
• Жаман күнді жатып тыңда.
• Жақсының жүзі де, ізі де ыстық.
• Көзін тапқанға көмекші көп.
• Жаны тазаның қолы таза.
• Жаманның әкімшілігі де жаудай!
• Ашуды ашу басады, ақылды ақыл толықтырады.
• Қырсық әркімге әрқалай тап болады.
• Әуелгі көлігің – аяғың, ақырғы көлігің – таяғың.
• Тексіз бен кексізде кие болмайды.
• Арақ – ақылдының азабы, ақымақтың ажалы.
• Ауру кісі тершең, тершең кісі кіршең.
• Түтіндемей от тұтанбайды, от тұтанбай қазан қайнамайды.
• Таңғы асты тастама, кешкі асты аңдыма.
• Балықшы күнде арманда, егінші жылда арманда…
• Рушылда бұрушыл болмай тұрмайды.
• Маңдайыңа бітпеген – таңдайыңа татымас.
• Жан бергенге – дем берген.
• Бағы барға бал тос.
• Есепшінің есесі – кісесінде.
• Диуанадан айдың басын сұрама.
• Балапан артына қарайлап ұшады.
• Егулі жатқан иман жоқ.
• Тай тайлаққа, ат атанға теңелмес.
• Қырсық қырық ағайынды.
• Ер жігіт олжаға мырза.
• Тілі басқаның ділі басқа.
• Кетік қазанға тесік шөміш.
• Таста тамыр жоқ, тасбақада бауыр жоқ.
• Мал басынан, адам тілінен байланады.
• Дүниенің төрінен көрі жуық.
• Палуанға біткен бір мойын.
• Үзімдеген үнемге жарытпайды.
Айжарық СӘДІБЕКҰЛЫ,
Қызылорда қаласы
(Басы өткен сандарда. Жалғасы бар.)
Пікірлер жоқ. Бірінші болыңыз!