HALYQLINE.KZ 9 сәуір күні Астанада күрес түрлерінен Азия чемпионаты басталады. Оған отандасымыз балуан Алмат Кебіспаев қатысады.
Грек-рим күресінен ҚР еңбек сіңірген спорт шебері. Лондон олимпиадасына қатысушы (2012 ж), Азияның екі дүркін және бес мәрте әлем чемпионатының жүлдегері Алмат Кебіспаевпен хабарласып шағын сұхбат алдық:
«Елордамызда өтетін Азия құрлығының додасына да аз күн қалды. Жарысқа дайындалып жатырмыз. Астанада чемпион атанып, Қазақ елін қуантуға бар күш-жігерімді саламын. 67 кг салмақта сынға түсемін. Бұл салмақта Оңтүстік Корея, Иран, Өзбекстан, Қырғыстан, Үндістан мемлекетінің палуандары басты қарсыласым болады. Төрт күн бұрын Ж.Үшкемпіров атындағы жекпе-жек сарайына Қазақстан күрес федерациясының президенті Дәулет Тұрлыханов ағамыз келіп, балуандарымен кездесіп сәттілік тіледі. Жақсы күресіңдер деп қолдауын білдірді. Барымызды саламыз, жеңуге тырысамыз!»
Айбек МҰХАНОВ
Пікірлер жоқ. Бірінші болыңыз!