Қостанайдағы Ұлттық ұланның 6697 әскери бөлімінде орналасқан №27 сайлау учаскесінде 300-ден астам әскери қызметші Құрылтай сайлауында дауыс беріп жатыр. Учаскедегі сайлаушылардың 40 пайыздан астамы бюллетеньді алғаш рет алып отыр, олардың көбі 18 жасқа толған мерзімді әскери қызметшілер. Дауыс беру басқа учаскелердегідей тәртіппен ұйымдастырылған, комиссия мүшелері құжаттарды тексеріп, сайлаушылар жасырын дауыс беру кабиналарына өтеді. Алғаш рет дауыс берген сарбаздарға «Ұлттық ұлан» және «Құрылтай-2026» жазуы бар естелік блокноттар табысталады. Дауыс беруден кейін әскери қызметшілер үшін мерекелік түскі ас, шағын концерт және өзге де шаралар ұйымдастыру жоспарланған.
Дереккөз: Kazinform
Пікірлер жоқ. Бірінші болыңыз!