Президент Қасым-Жомарт Тоқаев жаңадан тағайындалған Қорғаныс министрі Айдос Мырзахметовті қабылдады. Кездесуде Мемлекет басшысы елдің қорғаныс қабілетін нығайту мен Қарулы Күштердің жауынгерлік дайындығына қатысты бірқатар тапсырма берді.
Президент ең алдымен әскери қызмет қауіпсіздігіне назар аударды. Оның айтуынша, сарбаздардың өмірі мен денсаулығын сақтау барлық деңгейдегі қолбасшылық жұмысының негізгі басымдығы болуы керек.
Тоқаев кәсіби даярлықтың сапасын арттыру, әскери инфрақұрылымды дамыту, қару-жарақ пен техниканы жаңғырту міндетін қойды. Қарулы Күштер жұмысына заманауи технологиялар мен цифрлық шешімдерді енгізу де тапсырылды.
Кездесуде әскердегі тәрбие жұмысы да сөз болды. Президент сарбаздардың жауапкершілігін, тәртібін және Отанға адалдығын күшейтуге мән беруді тапсырды. Әскери қызметшілер мен олардың отбасын әлеуметтік қолдау мәселесі де назардан тыс қалмады.
Айдос Мырзахметов бүгін, 27 қыркүйекте Президент Жарлығымен Қорғаныс министрі болып тағайындалды. Бұл қызметте ол Дәурен Қосановты алмастырды.
Пікірлер жоқ. Бірінші болыңыз!