Halyqline.kz – үздіктер қатарында!

Жаңақорғанда 700-дей қой өртеніп кетті

22.10.2020, 12:05 604

HALYQLINE.KZ

Фейсбук әлеуметтік желісінде ҚР ТЖМ ресми өкілі Талғат Уәлидің хабарлауынша, 2020 жылғы 21 қазанда сағат 18.50-де Қызылорда облысы, Жаңақорған ауданы, Аққорған ауылдық округі Түгіскен ауылында (жақын жердегі 74-ӨСБ дейінгі арақашықтық) шамамен ауданы 30 гектар шабылған күріш алқабында құрғақ сабан жанған. Өрт 21 қазанда сағат 21:48-де толығымен сөндірілді. Өртті сөндіруге ТЖД мен ерікті өрт сөндіру құралымдарынан 19 адам мен 5 бірлік техника жұмылдырылған.

Өрт салдарынан алдын ала болжам бойынша жеке шаруа қожалығына тиесілі жайылып жүрген 700-ге жуық қой өртеніп кеткен. Сондай-ақ, күйіп қалған ұсақ малдар да бар. Олардың нақты саны анықталуда. Оқиға орнында арнайы құрылған комиссия жұмыс істеуде.

Сурет Талғат Уәлидің әлеуметтік желідегі парақшасынан алынды.

Пікірлер жоқ. Бірінші болыңыз!

Пікір жазыңыз

Тағы да оқыңыз: