Halyqline.kz – үздіктер қатарында!

Суға түсу маусымы ресми түрде аяқталды

01.09.2020, 17:00 185 0

HALYQLINE.KZ «1 қыркүйекте елімізде суға шомылу маусымы ресми аяқталды», деп хабарлайды ҚР ІІМ Төтенше жағдайлар комитетінің баспасөз қызметі.

Суда адамдардың қауіпсіздігін қамтамасыз ету мақсатында ТЖК полициямен және жергілікті атқарушы органдарымен бірлесіп ұйымдастырушылық, практикалық іс-шаралар кешенін жүргізді. Күн сайын азаматтық қорғау органдары мен полиция қызметкерлерінің қатысуымен рейдтер мен патрульдеу жүзеге асырылды. Жыл басынан бері еліміздің су айдындарында құтқарушылар 160 адамды, оның ішінде 35 баланы ажалдан аман алып қалды. Ал, суға шомылу маусымы басталғаннан бері (1 маусымнан 31 тамыз аралығында) 140 адам, оның ішінде 27 бала құтқарылды.

Сонымен қатар, суға шомылу кезеңінің басынан бастап (1 маусымнан 31 тамыз аралығында) суға шомылу кезінде алкогольдік мас күйінде, суға батушыны құтқару және балаларды ересектердің қарауынсыз қалдыру кезінде 239 адам (2019 жылы – 282), оның ішінде 75 бала (2019 жылы – 88 бала) суға кетіп, көз жұмды. Тек суға шомылу маусымының соңғы аптасында (24-31 тамыз аралығында) Алматы, Ақтөбе, Қостанай, Ақмола, Жамбыл, Павлодар, Шығыс Қазақстан, Қызылорда облыстарында, Шымкент қаласында – 14 адам, оның ішінде 3 бала суға батып кеткен.

Биылғы суға шомылу маусымында (Алматы – 35, Шығыс Қазақстан – 31, Түркістан облысы – 23) суға батып кеткен адамдардың саны көп болды. Елімізде суға шомылуға рұқсат етілген 445 орын анықталды, 6 020 ескерту белгісі орнатылды.

Адамдардың су айдындарындағы қауіпсіздігін қамтамасыз ету үшін жеке жағажайлардың 689 құтқарушы-жасақшысы оқытылды. Полиция департаменті волонтерлік ұйымдармен бірігіп қоғамдық орындардағы жүріс-тұрыс және су айдындарында қауіпсіздік қағидаларын бұзушыларды анықтау бойынша бірлескен рейдтер мен патрульдеу жүргізді. Ағымдағы жылғы 1 маусымнан бастап 33 мың рейд және патрульдеу жүргізілді, 6 355 адам әкімшілік жауапкершілікке тартылды, «Қоғамдық орындарда болу қағидаларын бұзу» ӘҚБК 440-бабы және «Ортақ су пайдалану қағидаларын бұзу» 364-бабы бойынша 14 миллионнан астам теңге айыппұл салынды. Рейд іс-шаралары барысында су айдындарындағы қауіпсіздік шаралары бойынша халықпен түсіндіру жұмыстары жүргізілді. 499 564 үгіт-насихат өнімі (парақшалар, жадынамалар) таратылды.

Пікірлер жоқ. Бірінші болыңыз!

Пікір жазыңыз

Тағы да оқыңыз: