Halyqline.kz – үздіктер қатарында!

Марал ишан медресесі ашылды

28.09.2022, 17:30 96

HALYQLINE.KZ

Бүгін Қызылорда қаласындағы Белкөл кентінде Марал ишан медресесінің ашылу рәсімі өтті. Игі іс-шараға қатысқан Қазақстан мұсылмандары діни басқармасының төрағасы, Бас мүфти Наурызбай қажы Тағанұлы халықты жаңа медресесінің ашылуымен құттықтап, игі тілегін білдірді.

– Бүгін – Сыр елінің жұртшылығы мен барша мұсылман жамағаты үшін тарихи әрі қуанышты күн. Жаңа оқу ордамыздың ашылуына қош келдіңіздер. Марал ишан медресесінен тәлім алып шыққан шәкірттеріміз еліміздің игілігі үшін қызмет ететін болады. Медреседе оқыған азамат халқымыздың, дініміз бен дәстүріміздің жанашыр тұлғаларына айналады деп сенемін. Жаңа діни оқу ордамыз құтты болсын. Медресе бар жерге Алланың берекесі орнайды. Алла Тағала еліміз бен жерімізге жақсылығын жаудырғай. Әмин!, – деді Наурызбай қажы Тағанұлы.

ҚМДБ Төрағасы медресені салған Мұрат Тоқпанұлына алғыс хатын табыстап, сауапты іске ұйытқы болғаны үшін ризашылығын жеткізді. Сондай-ақ, оқу ордасының ашылу салтанатына қатысқан зиялы қауым өкілдері де құттықтау сөзін арнап, жүрекжарды лебізін білдірді.

Айта кетсек, Марал ишан медресесінде бір мезетте 80 шәкірт білім мен тәрбие алады.

Пікірлер жоқ. Бірінші болыңыз!

Пікір жазыңыз

Тағы да оқыңыз: