Halyqline.kz – үздіктер қатарында!

Қазалыда «Сoworking» орталығы ашылды

28.08.2020, 17:30 333

HALYQLINE.KZ  Бүгін жақында ғана жаңа ғимаратқа көшкен қалалық кітапханада «Сoworking» орталығы ашылды. Ашылу салтанатына аудан әкімі Мұрат Ергешбаев арнайы қатысып, орталықтың жұмысымен танысты. Мұнан соң кітапхана қызмектерлері Қазақстан жастарының жалынды жетекшісі Ғани Мұратбаев оқыған №16 мектептің тарихы туралы айтып беріп, жерлесіміз жайлы жазылған шығармалармен таныстырды.

Цифрлы Қазақстан жобасы аясындағы бұл игі іс оқырмандар қатарын көбейтуге өзіндік ықпалын тигізері анық. Заман талабына сай, әлемдегі дамыған елдердің кітапханасында ұсынылатын қызмет түрін қазақ қоғамына енгізудің өзі – жаңару мен жаңғыруға бастаған үлкен қадамның бірі. Себебі, кітапханалар тек кітап оқитын орын емес, түрлі семинарлар, тренингтер, дәрістер өтетін, жастар жиі бас қосатын нағыз білім орталығы болуы тиіс, – деген Мұрат Нәлхожаұлы кітапхана қызметкерлеріне сәттілік тіледі.

Кітапханашылардың айтуынша, «Сoworking» орталығында жастар мен жасөспірімдер уақытын тиімді өткізе алады. Бұл жерде қала жастары көптеген қызықты акцияларға, зияткерлік ойындарға және тағы басқа шараларға қатыса алады. Сонымен қатар, орталықта шахмат, дойбы, тоғызқұмалақ ойнайтын орындар да бар.

Пікірлер жоқ. Бірінші болыңыз!

Пікір жазыңыз

Тағы да оқыңыз: