Halyqline.kz – үздіктер қатарында!

Елімізде жеке мектептер саны 271-ге жетті

07.06.2021, 10:30 358

Бүгінгі таңда орта білім беру саласындағы маңызды міндеттердің бірі лық толы мемлекеттік мектептердің жүктемесін азайту болып табылады. Бүгінгі таңда орта білім беру орындарында 200 мыңға жуық тапшылық бар. 2025 жылға дейін ол 2 еседен артық өсуі мүмкін. Мемлекет мұндай жүктемені көтере алмайды. Сондықтан жеке меншік білім беру ұйымдарында мемлекеттік білім беру тапсырысын орналастыру тетігі енгізілді, ол ұйымдастырушылық және амортизациялық шығындарды өтеуді көздейді. Бұл туралы Орталық коммуникациялар қызметінде өткен брифингте ҚР БҒМ «Қаржы орталығы» АҚ президенті Асқар Ибраимов мәлімдеді.

Оның айтуынша, операциялық шығындар айына орта есеппен 500 мың теңге мөлшерінде өтеледі, келесі жылға белгілі бір өсім көзделіп отыр. Амортизациялық шығыстар ретінде әрбір білім алушыға шамамен 96 АЕК немесе 300 мың теңгеге жуық норматив, қайта жаңарту кезінде – 47 АЕК қарастырылады. Инвестордың баланың мектепте болуының жақсартылған жағдайларын ұсынғаны үшін ата-ана төлемақысын алуға құқығы бар. Егер тәуелсіздіктің барлық кезеңінде 100-ге жуық жекеменшік мектеп болса, 2021 жылдың қорытындысы бойынша ол үш есеге өседі деп күтілуде.


– Бұл бағдарлама күн сайын жетілдірілуде. Бүгінгі таңда республикада 271 жеке мектеп жұмыс істейді, біз мемлекеттік тапсырысты орналастыратын орындардың жалпы саны 100 мыңнан асты. Мемлекет жеке сегменттен үлкен қолдау алды деп айтқымыз келеді, өйткені 100 мың орынға 100-ге жуық мектеп салуға тура келді, ал бір мектеп құрылысының өзіндік құны бірден үш млрд теңгеге дейін түрленеді. Мемлекет алған үнемдеуді есептеу қиын емес, бірақ бұл ретте жеке сегмент те белгілі бір артықшылықтарға ие болады, – деп атап өтті спикер.


Преференциялар – бұл мөлшерлемені субсидиялау да, жер учаскесін заттай грант түрінде алу мүмкіндігі де, бұдан басқа МЖӘ шарты мен тұтыну кепілдіктері шеңберінде алу да қарастырылған.

Пікірлер жоқ. Бірінші болыңыз!

Пікір жазыңыз

Тағы да оқыңыз: