Halyqline.kz – үздіктер қатарында!

Қазалыда көшпелі сауда орындары ұйымдастырылуда

20.04.2020, 16:38 265 0

HALYQLINE.KZ –| Қазалы ауданында жұқпалы індеттің таралмауы үшін қауіпсіздік шаралары күшейтілгені барлығымызға белгілі. Осыған орай, ауданда қоғамдық көліктермен қатар жеке автомобильдердің де жүруіне тыйым салынды. Аудан мен ауылдарға кіреберіс жерлерге тосқауыл бекеттері қойылды.

Блок-бекеттер тұрғындардың жүріп-тұруы үшін қолайсыздық тудырғанымен, күнделікті қажеттіліктері үшін тосқауыл болмауы керек. Осыны ескерген Қазалы ауданы әкімдігі көшпелі сауда орындарын ұйымдастырып, тұрғындарға базар бағасымен азық-түлік сатуды қолға алды.

Бүгін көшпелі сауда аудан орталығынан шалғайда жатқан Кәукей ауылына бағыт алды. Аудан кәсіпкерлері ауыл тұрғындарына бірінші кезекте қажетті: картоп, жуа, сәбіз, макарон, ұн, өсімдік майы, қант, күрішпен қатар, жеміс-жидектерді де ала барған.

Дәл осындай көшпелі сауданы басқа ауылдарда да ұйымдастыру көзделіп отыр.

Қазалы ауданы әкімінің баспасөз қызметі

Пікірлер жоқ. Бірінші болыңыз!

Пікір жазыңыз

Тағы да оқыңыз: