2026 жылғы 23 тамызда Қазақстан Республикасында сайлау өтеді. Сайлау – еліміздің қоғамдық-саяси өміріндегі маңызды демократиялық үдерістердің бірі әрі азаматтардың Қазақстан Республикасының Конституциясында кепілдік берілген сайлау құқығын жүзеге асыруының негізгі тетігі.
Әрбір азаматтың сайлауға қатысуы – өзінің азаматтық ұстанымын білдірумен қатар, қоғамның дамуына, елдің тұрақтылығы мен болашағына жауапкершілікпен қараудың көрінісі. Сайлауға қатысу арқылы азаматтар өз таңдауларын еркін білдіріп, мемлекеттік басқару ісіне жанама түрде атсалысу мүмкіндігіне ие болады.
Сайлау заңдылық, ашықтық, жариялылық, әділдік және тең құқық қағидаттарына сәйкес ұйымдастырылады. Әрбір сайлаушы өз таңдауын ерікті түрде жасап, дауыс беру құқығын заң талаптарына сай жүзеге асырады.
Осыған орай, барша сайлаушыларды 23 тамыз күні өздерінің сайлау учаскелеріне келіп, дауыс беруге шақырамыз. Азаматтық белсенділік танытып, сайлау процесіне қатысу – әрбір азаматтың маңызды құқығы әрі қоғам алдындағы жауапкершілігінің көрінісі.
Еліміздің демократиялық дамуы мен қоғамдық тұрақтылығын нығайту жолындағы маңызды саяси науқанға белсенді қатысып, өз таңдауыңызды жасаңыз.
Пікірлер жоқ. Бірінші болыңыз!