Қызылордалық жас химик Менделеев халықаралық олимпиадасының алтын медалін жеңіп алды. Бұл туралы Оқу-ағартк министрлігі хабарлады, деп жазады halyqline.kz тілшісі Alash.kz сайтына сілтеме жасап.
Қызылорда облыстық Сейілбек Шаухаманов атындағы №9 дарынды балаларға арналған облыстық «Білім-инновация» лицей-интернатының 11-сынып оқушысы Арен Теңізбаев Ресей Федерациясының Мәскеу қаласында өткен 60-шы халықаралық Менделеев олимпиадасында алтын медаль иегері атанды.
Химиядан әлемдегі ең беделді олимпиадалардың бірі саналатын International Mendeleev Chemistry Olympiad байқауына 37 елден, атап айтқанда Қазақстан, Сауд Арабиясы, Шри-Ланка, Солтүстік Македония, Израиль, Түркия, Әзербайжан, Иордания, Коста-Рика, Тайланд, Египет, Өзбекстан, Куба, Чад Республикасы, Моңғолия, Түрікменстан, Бразилия, Армения, Тәжікстан, Камерун, Бангладеш, Вьетнам, Ботсвана, Нигерия, Беларусь және Қытай елдерінен 200-ге жуық мектеп оқушысы қатысты.
Қазақстан құрамасы сайыста 1 алтын, 4 күміс және 5 қола медаль жеңіп алды.
Алтын медаль:
Теңізбаев Арен – Қызылорда облыстық Сейілбек Шаухаманов атындағы №9 дарынды балаларға арналған облыстық «Білім-инновация» лицей-интернатының 11-сынып оқушысы.
Күміс медаль:
Жақсылықов Ансар — Астана қаласы Spectrum International School мектебінің 11-сынып оқушысы;
Жеңісханова Айзере – Өскемен қаласындағы жаратылыстану-математика бағытындағы Назарбаев Зияткерлік мектебінің 11-сынып оқушысы;
Қалдыбай Меңдіғали — Астана қаласы Spectrum International School мектебінің 11-сынып оқушысы;
Сейітқазиев Нұрсейт — Дарынды жасөспірімдерге арналған Ақтөбе облыстық мамандандырылған «Білім-инновация» лицей-интернатының 10-сынып оқушысы;
Қола медаль:
Полетаев Данил — Алматы қаласындағы №134 лицейінің 11-сынып оқушысы;
Қали Әбілмансұр – Астана-Нұра физика-математика бағытындағы Назарбаев Зияткерлік мектебі;
Айтжанов Алидар — Қарағанды қаласындағы жаратылыстану-математика бағытындағы Назарбаев Зияткерлік мектебінің 11-сынып оқушысы;
Ибраимов Абдижан – Астана қаласындағы халықаралық NURORDA мектеп-лицейінің 10-сынып оқушысы;
Махмутов Мансур – Алматы қаласындағы «Мирас» халықаралық мектебінің 12-сынып оқушысы.
Жүлдегерлерді дайындаған жетекшілер – PhD, Қазақ ұлттық университетінің аға оқытушысы Бақытжан Елдана және «Қазақ-неміс тұрақты инженерия институты» мекемесінің 2-курс студенті Сәрсенбай Айдос.
Айта кетейік, өткен жылы Қазақстан құрамасы 11 оқушыдан құралған болатын. Олар 7 күміс және 4 қола медаль жеңіп алған еді.
Фото: Оқу-ағарту министрлігі
Пікірлер жоқ. Бірінші болыңыз!