Halyqline.kz – үздіктер қатарында!

Сингапур президенті Халима Якуб Ташкентке жолаушы ұшағымен келді

24.05.2023, 8:45 223

HALYQLINE.KZ

Сингапур президенті Халима Якуб күйеуімен бірге мемлекеттік сапармен Өзбекстанға келді. Олар Астанадан Ташкентке Uzbekistan Airways әуе компаниясының тұрақты рейсімен жетті.

Сингапур президенті Халима Якуб күйеуі Мохаммед Абдулла Әльхабшимен бірге сейсенбі күні мемлекеттік сапармен Өзбекстанға келді.

ӨзА мемлекеттік агенттігінің хабарлауынша, Ташкент әуежайында президентті Өзбекстан премьер-министрінің орынбасары Зулайхо Махкамова, сыртқы істер министрі Бахтиёр Саидов және Ташкент әкімі қызметін атқарушы Шавкат Өмірзақов күтіп алды.

Президент бастаған топ Астанадан Uzbekistan Airways әуе компаниясының Airbus A320 жолаушы ұшағымен ұшып келді.

Халима Якуб астанадағы «Жаңа Өзбекстан» саябағына барып, Тәуелсіздік монументіне гүл қойды. 25 мамырға дейін жалғасатын сапар барысында ол президент Шавкат Мирзияевпен және басқа да ресми тұлғалармен кездесіп, екі елдің бизнес-форумына қатысады, Самарқанд қаласына барады.

Биыл қаңтарда Шавкат Мирзияев мемлекеттік сапармен Сингапурге барған.

Мәліметтерге қарағанда, Сингапур президенті, премьер-министрі және басқа да ресми тұлғалары әдетте жолаушы ұшақтарымен сапарлайды. Қажет болған жағдайда Сингапур үкіметі елдің қарулы күштерінің ұшақтарын пайдаланады.

Сурет  ашық  дереккөзден  алынды.

Пікірлер жоқ. Бірінші болыңыз!

Пікір жазыңыз

Тағы да оқыңыз: