21 желтоқсан күні Шиелі ауданындағы Жуантөбе ауылдық округінде әкім сайлауы өтеді.
Маңызды науқанда 1983 тұрғын сайлаушылар тізіміне енген.
Жексенбі күні, 30 қараша, сағат 18.00-де кандидаттарды тіркеу қорытындысы аяқталып, талапқа сай келген 3 кандидат тіркелді.
Олардың 1-і саяси партия атынан ұсынылса, 2-і өзін өзі ұсынған.
Енді кандидаттар үгіт кезеңінде сайлаушылармен кездесіп, үгіттік баспа материалдарын шығарады. Сондай-ақ, БАҚ арқылы өз сайлауалды бағдарламасын жарыққа шығаруға мүмкіндігі бар.
Үгіт жүргізу үшін жергілікті әкімдік 1 үгіттік баспа материалын ілетін орын және 1 сайлаушылармен кездесу орнын белгіледі.
Бүгінгі күнге дейін аумақтық сайлау комиссиясынан 3 кандидаттың 4 сенім білдірілген адамы куәлік алды.
Айта кетейік, кандидаттар тыныштық күніне дейін, яғни 20 желтоқсанға дейін үгіт жұмыстарын жүргізе алады.
21 желтоқсан – дауыс беру күні.
Бүгіннен бастап учаскеде комиссия мүшелері жұмысын бастады. 7 комиссия мүшесі сайлаушылардың науқанға қатысты сауалдарына жауап береді.
Қызылорда облысының аумақтық сайлау комиссиясы
Пікірлер жоқ. Бірінші болыңыз!