HALYQLINE.KZ Елордада өткен Азия қаламгерлерінің форумы кезінде біз мінген көлік кептеліске килігіп қалды. Мен дегбірсіздік танытып: «Даласы кең, қаласы тар қазақтар…» деп күбірледім. Қатар отырғандардың ішінен Халық жазушысы Қабдеш Жұмәділов елең етіп:
– Не дейсің? – деді.
– «Кеңістікке бәрі ынтық,
Даласы кең, қаласы тар қазақтар,
Кең әлемді тарылтып,
Өзін-өзі азаптар», – деп жазғаным бар еді. Сол есіме түсіп отырғаны. Жапанға жаңа қала салған соң, көшесін кең пішуге болар еді ғой, – дедім.
Сонда Қабдеш аға:
– Даланың кең болатыны – оны жаратқан кеңпейіл Құдай!
Қаланың тар болатыны – оны жаратқан тарпейіл адамдар…» деп жауап берді. Есімнен кетпей қалды. Міне, ойлы сөз! «Кең пішу» деп осыны айт!
Ұлықбек ЕСДӘУЛЕТ
Пікірлер жоқ. Бірінші болыңыз!