Halyqline.kz – үздіктер қатарында!

Қаладағы дәмханалардың бірінде 10 қылмыс тіркеліп, 70 шағым түсірілген

19.11.2026, 11:20 32

Орал қаласында құқық бұзушылықтар жиі тіркелген дәмхананың жұмысы тоқтатылды. Жыл басынан бері аталған мекемеге қатысты полицияға 70-ке жуық шақырту түскен, деп хабарлайды halyqline.kz тілшісі turkystan.kz сайтына сілтеме жасап.

Орал қалалық полиция басқармасы қоғамдық тәртіпке жүргізген талдау барысында құқық бұзушылықтар жиі тіркелетін ойын-сауық орындарын анықтады. Олардың қатарында Жеңіс шағын ауданында орналасқан, таңғы сағат 06:00-ге дейін жұмыс істейтін SKY дәмханасы бар.

Полиция мәліметінше, жыл басынан бері аталған дәмханада 10 қылмыс тіркеліп, бірнеше әкімшілік құқық бұзушылық анықталған. Сондай-ақ түнгі және таңғы уақытта мекемеге қатысты «102» арнасына 70-ке жуық шақырту түскен.

Осыған байланысты қалалық полиция басқармасының ұсынысымен Төтенше жағдайлар басқармасы және санитариялық-эпидемиологиялық бақылау басқармасының өкілдері бірлескен тексеру жүргізді.

Тексеру нәтижесінде бірқатар заң бұзушылық анықталып, дәмхананың қызметі тоқтатылды.

Фото: Polisia.kz

Пікірлер жоқ. Бірінші болыңыз!

Пікір жазыңыз

Тағы да оқыңыз: