Президент табиғатты және қоғамдық орындарды қасақана ластағандарға қолданылатын жазаны күшейтуді ұсынды.
Оның айтуынша, елде мәдениетсіздік пен қоршаған ортаға немқұрайлы қарау деректері әлі де жиі кездеседі. Мұндай әрекеттер қоғам мен мемлекеттің ортақ мүлкіне зиян келтіреді.
— Табиғатты, қоғамдық орындарды қасақана ластайды. Қоғамға, мемлекетке қарсы мұндай бейбастақ әрекеттерге жазаны күшейткен дұрыс деп есептеймін, — деді Қасым-Жомарт Тоқаев.
Мемлекет басшысы тазалық пен тәртіпті сақтау мемлекеттік маңызы бар міндет екенін жеткізді.
Пікірлер жоқ. Бірінші болыңыз!