Таяу Шығыстағы әскери қақтығыс ушыға түскен жағдайда Иран аймақтан мұнай жеткізілімін тоқтатуы мүмкін екенін мәлімдеді. Бұл туралы халықаралық ақпарат құралдарына сілтеме жасап Vlast.kz хабарлады.
Мәліметке сәйкес, АҚШ пен Израиль тарапынан шабуылдар жалғасатын болса, Иран билігі Таяу Шығыстан мұнай экспортын толық тоқтатуы мүмкін екенін ескерткен. Иранның Ислам революциясы сақшылары корпусы аймақтан «бір литр мұнай да шығарылмайды» деген мәлімдеме жасаған.
Бұл жағдай әлемдік энергетикалық нарыққа айтарлықтай әсер етуі ықтимал. Себебі Парсы шығанағындағы негізгі тасымал жолдарының бірі – Ормуз бұғазы арқылы әлемдегі мұнай жеткізілімінің шамамен 20 пайызы өтеді.
АҚШ президенті Дональд Трамп болса, Иран мұнай танкерлерінің қозғалысына кедергі келтірсе, Вашингтон әскери әрекеттерді күшейтуі мүмкін екенін мәлімдеді. Оның айтуынша, мұндай жағдайда АҚШ тарапынан соққылар бірнеше есе күшейеді.
Сарапшылардың пікірінше, егер Иран шынымен де аймақтағы мұнай тасымалына шектеу енгізсе, бұл әлемдік энергетика нарығына қысым жасап, мұнай бағасының күрт өсуіне алып келуі мүмкін. Мұндай сценарий жаһандық экономикаға да әсер етуі ықтимал.
Фото:
Пікірлер жоқ. Бірінші болыңыз!