ЖАЛҚЫ СҰРАҚ
Дос КӨШІМ, қоғам қайраткері:
— Билікке бұқарамен араласатын, халықпен ақылдасатын бір пішім, бір құрылым керек. Ол Ардагерлер кеңесі бола ма, Ассамблея не Халық кеңесі бола ма, сондай форма жасап қояды. Сондықтан ешқандай айырмашылығы жоқ. Олар «халықтың бастамасы, бұқарамен ақылдасып жатырмыз, халықтан түскен мынадай өтініш, ұсыныс бар» дегенді көрсетуі керек. Осылайша міндетті түрде халықтық құрылым жасап қояды. Бірақ, ең қызығы, конституция бойынша Халық кеңесінің адамдарын Президент тағайындайды. Бұл – ешқандай демократияға сай келмейтін мәселе. Халық кеңесін халықтың өзінің арасынан адамдар сайлауы керек. Оларға белгілі бір мандат беруі керек. Ал егер оны мемлекет басшысы, билік тағайындайтын, өздері таңдап алатын болса, оны ешуақытта Халық кеңесі, бұқарамен ақылдасу деп айтпас едім. Бұл – авторитарлық биліктің «міне, бізде демократиялық құрылым бар» дегенді көрсетуі үшін қолдан жасалған құрылымының бірі.
Жазып алған Н.АҚПАН
Фото: inform.kz
Пікірлер жоқ. Бірінші болыңыз!