Halyqline.kz – үздіктер қатарында!

Пробация есебіндегі көпбалалы отбасыларға азық-түлік себеті таратылды

21.07.2020, 15:45 278 0

HALYQLINE.KZ Қызылорда қалалық пробация қызметі, пробация есебінде тұратын тұрмыс жағдайы төмен, көпбалалы отбасыларға қол ұшын созуды игі дәстүрге айналдырып келеді.

Кеше пробация қызметкерлері «Pro bono» қоғамдық қорымен бірлесіп, пробация есебінде тұратын 5 көпбалалы азаматшаның үйіне барып, оларға азық-түлік себетін таратты.

«Жаңылмайтын жақ, сүрінбейтін тұяқ болмайды» демекші, жоқшылықтың кесірінен қателік жасадым. Әрине, өкінемін. Өзім көпбалалы анамын. Үлкенім азамат болса, қалғандары мектеп жасында. Пробация есебіне тұрғалы маған әлеуметтік, медициналық көмек көрсетіп келеді. Осы азаматтардың көмегімен «Аспаз, кондитер» курсты толық аяқтадым. Карантинге байланысты үйде отырмын. Жаны жомарт жандардың арқасында азық-түлік әкеліп, қайырымдылық жасап жатсыздар. Қызылорда облысы бойынша Қылмыстық-атқару жүйесі департаментінің басшысына, пробация қызметкерлеріне қызметтеріне абырой тілеймін» деп алғысын жеткізді Алма есімді есептегі азаматша.

Одан соң есепте тұратын 5 баласы бар, тұрмысы төмен отбасының үйіне бет бұрдық. Оларға да дәл осындай азық-түлік алып бардық. Балалардың қуаныштан жүздері бал-бұл жанып, көздері күлімдеп, хормен рақметін айтты. Бала көңілдің ризалығынан, періште жүректің алғысынан артық ештеңе жоқ.

«Қазіргі таңда Қызылорда қалалық пробация есебінде 592 сотталған адам есепте тұр. Оның 99-ы – әйел азаматша. Есепте тұрған азаматтарға әлеуметтік көмек көрсету – пробация қызметінің басты міндеті. Жуырда пробация есебінде тұратын кәмелет жасқа толмаған жасөспірімдерге де осындай азық-түлік себетін тараттық. Жыл басынан өз тарапымыздан да қоғамдық қорлардың демеушілігімен де көмектер көрсетіліп келеді. Мұндай көмектер осымен тоқтап қалмайды, алдағы уақытта да жалғасын табатын болады» – деді әділет капитаны Ернияз Жеңіс.

Қызылорда облысы бойынша ҚАЖД

Пікірлер жоқ. Бірінші болыңыз!

Пікір жазыңыз

Тағы да оқыңыз: