Автобуста көзілдірікті қалақтай бала ұшып тұрып орын берді. 4-5-сыныптың оқушысы секілді.
Терезе жаққа чехолға салынған домбырасын сүйеп қойыпты. «Сенікі ме?» деп едім, басын изеді.
— Әкел сөмкеңді, алдыма алып отырайын, — деп бері тартып едім, бермей қойды.
— Мына жерде тұра берсін, — деді аяқ тұсыма қойып жатып.
— Үйй, мына жер лас, асты кір болады сөмкеңнің, — дегеніме:
— Жоқ, апай, сізге ауыр болады ұстап отырғаныңызға. Үйге барғасын астын салфеткамен сүртіп қоямын, — деді.
Шынымен ұқыпты бала екені көрініп тұр, киімі де тап-тұйнақтай. Ойы да сондай екен, жинақы. Таза бала.
Адам өмірге таза болып келеді. Сәби — балдырған (бүлдіршін) — бозбала (қыз) — жігіт (бойжеткен) — әке (ана) — ата (әже) баспалдағынан өтеді. Осы шақтардың қай кезеңінде тазалыққа дақ түсіріп алып жүрміз?..
Нұржамал ӘЛІШЕВА,
Алматы қаласы
Көрнекі фото: newsroom.kz
Пікірлер жоқ. Бірінші болыңыз!