Синоптиктер 4 маусым күні Қазақстанның бірнеше өңірінде ауа райы құбылатынын ескертті, деп хабарлайды halyqline.kz.
Қазгидромет ұсынған болжамға сәйкес, елдің солтүстігі мен орталығында жаңбыр жауып, найзағай ойнайды. Кей жерлерде бұршақ жауып, жел күшеюі мүмкін. Ал оңтүстік, шығыс және батыс өңірлердің басым бөлігінде ыстық ауа райы сақталады.
Астанада күн бұлтты, қысқа мерзімді жаңбыр мен найзағай күтіледі. Желдің жылдамдығы секундына 9-14 метрге дейін жетуі мүмкін. Күндіз ауа температурасы 26-28 градус шамасында болады. Кей өңірлерде жел екпіні бұдан да қатты сезілуі ықтимал.
Мұндай ауа райы кезінде мамандар тұрғындарға сақ болуды ескертеді. Әсіресе жолға шыққандар, құрылыс алаңдарында жұмыс істейтіндер, даладағы шаруалар және балалардың жазғы демалысын ұйымдастырып отырған мекемелер қауіпсіздік шараларын ескергені жөн.
Пікірлер жоқ. Бірінші болыңыз!