Halyqline.kz – үздіктер қатарында!

Қуанышбек Ысқақов: «Мемлекеттік-жекешелік жобасын жүзеге асыруда көш бастап тұрмыз»

19.02.2020, 12:45 248 0

Қазіргі таңда мемлекеттік-жекешелік әріптестік аясында облыста денсаулық сақтау, білім, мәдениет, спорт, қоғамдық тәртіп, тұрғын үй-коммуналдық шаруашылық және басқа да салаларда 142 жоба бар. Олардың 56-сы бойынша жобаларды іске асыру шарттарына инвесторлармен қол қойылды.

Бұл туралы бүгін облыс әкімі Қ.Ысқақов халыққа есеп беру кездесуінде айтты.

«Мойындау керек, біз үшін әлеуметтік-маңызды сұрақтарды шешуге мемлекеттік-жекешелік әріптестік тетігін пайдаланудың зор пайдасы тиіп отыр. Соның көмегімен 3-6 жас аралығындағы балалар мектепке дейінгі тәрбиемен және біліммен 100% қамтылды. Бүгінде мемлекеттік-жекешелік әріптестік негізінде 72% балабақша жұмыс істеп тұр», – деді облыс әкімі Қ.Ысқақов.

Айта кету керек, бүгінде мемлекеттік-жекешелік әріптестік жобаларын іріктеу барысында бюджеттен инвестициялық шығындарды талап етпейтін, мемлекеттік тапсырыс немесе нарықта қызмет көрсету арқылы жұмыс істейтін жобаларға басымдық беріледі.

Пікірлер жоқ. Бірінші болыңыз!

Пікір жазыңыз

Тағы да оқыңыз: