Halyqline.kz – үздіктер қатарында!

Бас санитар науқасты жерлеу алгоритмін бекітті

01.04.2020, 18:23 314 0

Бүгінгі күннен бастап шетелден келген барлық адамдар ҚР-ға келген сәттен КВИ-ға зертханалық тексеру жүргізу үшін карантиндік стационарларға оқшауланады. Нәтижелерді алғаннан кейін оң нәтижесі бар адамдар емдеу үшін инфекциялық стационарға ауыстырылады, ал теріс нәтижесі бар адамдар оқшаулану үшін 11 тәулікке үй карантиніне ауыстырылады.

Бұл норма авиакомпаниялардың ұшқыштарына және локомотив бригадаларының мүшелеріне, темір жол көлігіндегі тасымалдау қызметімен байланысты тұлғаларға және шетелден келген жүктердің халықаралық автомобиль тасымалдарын жүзеге асыратын жүргізушілерге қолданылмайды.

  • ЕАЭО елдерінен және Өзбекстан Республикасынан Қазақстан Республикасының Мемлекеттік шекарасы арқылы темір жол көлігімен және автоөтпе жол арқылы өткізу пункттері арқылы келген адамдар 14 тәулік ішінде үйде оқшаулауға жатады (үй карантиніне). СІМ-нің келісімі бойынша үй карантинімен Қазақстанға келетін дипломаттар мен олардың отбасы мүшелерін міндетті түрде тестілеуді көздейтін норма енгізілді.

Елдің бас санитарлық дәрігері карантин вирустың адамнан адамға берілуін үзудің ең маңызды және тиімді шарасы болып қала беретінін ерекше атап өтті. Үй карантиніндегі тұлғаларға Мониторинг жүргізу профилактикалық шаралардың маңызды құрамдас бөлігі болып қала береді. ҚР Денсаулық сақтау министрлігі карантиндегі тұлғалармен смартфонға орнатылатын «Smart Astana» мобильді қосымшасын әзірледі. Осы қосымша медициналық бақылауда болған адамның орналасқан жерін мониторингілеу үшін және ауру белгілері дамыған жағдайда медицина қызметкерлеріне медициналық көмек көрсету бөлігінде дереу ден қоюға, сондай-ақ карантин шарттарын сақтауға көз жеткізуге мүмкіндік береді.

Жекелеген қосымшасында медициналық қызметкерлерге жұмыс бойынша науқастармен байланыс орнату кезінде қорғану құралдарын пайдалану шарттарына байланысты алгоритм бекітіледі.

  • Бұл бөлім өте маңызды және өзекті. Біз коронавирусқа қарсы күресте бірінші қорғаныс сызығында болатын медиктерді қорғауымыз керек. Өкінішке орай, бүгінде біз еліміздің бірнеше аймақтарында Алматы, Нұр-Сұлтан, Қарағанды медицина қызметкерлерінде вирус жұқтыру жағдайлары орын алуда. Оларды қорғау-науқастарды емдеудегі табыстың кепілі, – деді еліміздің санитарлық бас дәрігері А.Есмағамбетова.

Сондай-ақ, қаулымен коронавирустық инфекциядан қайтыс болған адамның мәйітін жерлеу алгоритмі бекітілді. Алгоритмге сәйкес мәйітті туыстарына көрсетуге және беруге болмайды. Жақын туыстарымен кемінде 3 метр қашықтықта қоштасуға рұқсат етіледі. Бұл ретте қайтыс болған адамның денесі қоштасу орнында 1 сағаттан артық болмауы тиіс. Бұл ретте, діни қызметші мен туыстары қайтыс болған адамның денесімен байланыс жасамауы тиіс. Көму эпидемияға қарсы режимді сақтай отырып жүргізіледі.

А.Есмағамбетова вирус халық арасында екенін, вирустың қаупін ерекше атап өтті. Тіркелген 369 жағдайдың 70%-ы байланыста болған және инфекция көзін анықтау мүмкін болмаған жергілікті жағдайларға жатады. Вирус жұқпалылығы жоғары, бір адам 4 адамға жұқтыруы мүмкін, науқас алғашқы белгілері пайда болғанға дейін жұқпалы болады.

  • Карантиндік шараларды сақтаудың маңыздылығын жете бағаламаудың қажеті жоқ. Тек карантин ғана, яғни барлық қажетсіз байланыстарды, келулерді, орын ауыстыруларды тоқтату, толық әлеуметтік оқшаулау вирустың адамнан адамға берілуін тоқтатуға мүмкіндік береді, – деп атап өтті бас санитар.

«Әлеуметтік медициналық сақтандыру қоры» АҚ Басқарма Төрағасы Айбатыр Жұмағұлов МӘМС жүйесінің жұмысы туралы айтып берді.

Айта кетейік, Қазақстанда енгізілген ТЖ режимі мен Президент Қасым-Жомарт Тоқаевтың тапсырмасын ескере отырып, 1 сәуірден бастап 1 шілдеге дейін сақтандырудың әлеуметтік мәртебесі мен мәртебесіне қарамастан әрбір азамат сақтандырылған болып саналады. Бұл әркімге ТМКК шеңберінде медициналық қызметтерді және МӘМС шеңберінде толық медициналық көмекті алуға құқық береді. Бұл үшін Қор ішкі қорлардан қосымша 20 млрд теңгеден астам қаржы бөлуді жоспарлап отыр.

Пікірлер жоқ. Бірінші болыңыз!

Пікір жазыңыз

Тағы да оқыңыз: