Шаһарда тұрғындардың өмір сүру сапасын арттыруға бағытталған жаңашыл жобалар сәтті жүзеге асуда. Соның бірі – көпқабатты тұрғын үй аулаларына балалардың ойын және спорт алаңдарының салынуы.
Қызылорда қаласы әкімі баспасөз қызметінің мәліметінше, биылғы жылы қаладағы 26 аулаға заманауи ойын және спорт алаңдарын салу ісі қолға алынды. Ол үшін бюджеттен 1,9 млрд теңге бөлінді. Енді әр аулада әткеншек, сырғанақ, жаттығу құрылғылары, кіші футбол және воркаут алаңдары болады.
Соған сай жарықшамдары мен демалыс орындары орналастырылып, көгалдандыру және абаттандыру жұмыстары жүргізілуде.
Пікірлер жоқ. Бірінші болыңыз!