Halyqline.kz – үздіктер қатарында!

Қызылордада Covid-19-ға шалдыққан әйел босанды

10.04.2020, 0:51 313

Жүкті келіншек перзентханаға сырқаттанып түскен. Тексеру барысында оның дене температурасы 38,1 градусқа көтерілгендігі анықталған. Жүкті әйелден алынған тесттің нәтижесі оның коронавирус жұқтырғанын айғақтаған. Бұл туралы ҚР Денсаулық сақтау вице-министрі Ләззат Ақтаева әлеуметтік желідегі парақшасына жазды.

Босану процесі қалыпты жағдайда өткен. Аман-есен жарық өмірге келген шақалақтың салмағы 2970 грамм, бойы – 51 сантиметр. Жағдайы бірқалыпты. Анасынан қауіпті дерттің анықталуына байланысты нәрестеден де сынама алынды.

Келіншекті кезекші бригада қорғаныс киімімен босандырған. Қауіпсіздік шараларына байланысты олар 2 аптаға үй карантиніне жіберілді.

Пікірлер жоқ. Бірінші болыңыз!

Пікір жазыңыз

Тағы да оқыңыз: