Сингапурда өтетін Shangri-La Dialogue қорғаныс саммитінің күн тәртібіне Ирандағы соғыс, АҚШ-тың Азиядағы міндеттемелері және Тайвань төңірегіндегі шиеленіс әсер етуі мүмкін. Reuters агенттігі саммит 29-31 мамыр аралығында өтетінін, оған министрлер, генералдар, дипломаттар, сарапшылар мен қорғаныс саласының өкілдері қатысатынын жазды.
Вьетнам президенті То Лам негізгі баяндама жасайды. Ал АҚШ қорғаныс министрі Пит Хегсет Азиядағы одақтастар тарапынан Вашингтонның аймақтағы рөліне қатысты сұрақтарға тап болуы мүмкін. Қытай делегациясының қатысуы да әзірге нақты емес. Сарапшылар саммитте АҚШ пен Қытай бәсекесі, Оңтүстік Қытай теңізі, Тайвань, қорғаныс шығындары және шағын мемлекеттердің сыртқы саяси тепе-теңдігі талқыланатынын айтады.
Пікірлер жоқ. Бірінші болыңыз!