Билл Гейтс әйелі Мелиндамен екеуі ажырасу туралы шешім қабылдағанын твиттерде хабарлады.
«Біз ұзақ ойланып, ажырасамыз деп шештік. Бір отаудағы 27 жылда сүйікті балаларымызды тәрбиеледік, бүкіл әлемде жұмыс істейтін қор құрып, сол арқылы адамдардың жақсы өмір сүруіне көмектестік. Жаңа өмір бастар қарсаңында сіздерден біздің жеке өмірімізге құрметпен қарауларыңызды сұраймыз. Мелинда Гейтс және Билл Гейтс» делінген твиттердегі жазбада.
Олар 1994 жылы 1 қаңтарда үйленді. Билл 1987 жылы Мелинда Энн Френчті алғаш рет Нью-Йоркте «Майкрософт» (Майкрософт) компаниясының баспасөз брифингінде көрген. Сол кезде Мелинда «Майкрософтта» жұмыс істейтін.
Екеуі үш баланы тәрбиелеп өсірді.
Билл Гейтс – әлемдегі ең ауқатты төртінші адам. «Форбс» журналы оның байлығын 124 миллиард доллар деген.
2005 жылғы желтоқсанда Мелинда мен Билл Гейтстерді Time журналы жыл адамдары деп атаған.
Фото ОК журналынан алынды.
Пікірлер жоқ. Бірінші болыңыз!