Құрметті жас дос!
Біз – ат үстінде күнелткен, табанынан сыз өткен батыр бабаларымыздың ұрпағымыз. Біз – жаңа Қазақстанның жаңа буынымыз. Заман қандай болса да, адам атты жаратылыс иесі өзін сондай таза ұстауы шарт. Әлбетте, адамзатты адастыру үшін түрлі айла-шарғы, амал-әрекет, қитұрқы іс істеліп жатыр. Десе де, оған мойын бұрмау және қаперге алмау керек. Ең бастысы, бірінші байлық атанған денсаулығымызды күту, оны жақсарту – адамдықтың белгісі.
Иә, есірткі елітеді, есті жоғалтады. Адамды негізгі қалыбынан айырады. Ол – кәдуілгі аждаһа, кәдімгі тажалға бастар жол. Сол себепті, мен бүгінгі үндеуімде замандастарымды осындай жаман іс-әрекеттерден аулақ жүруге шақырамын!
Жалпы алғанда, «адамзаттың бәрін бауырым деп сүйетін» қоғам мүшелері бір-бірін тек ғана ізгілікке тартуы керек, барлық іс-қимыл мен сөз жақсылыққа бастауы тиіс.
Заң мен тәртіп қашанда бірге жүреді. Жас достар мұны жақсы біледі деген ойдамын. Сондықтан, Таза Қазақстанды бірге құруымыз қажет!
Айым КЕҢЕСБЕК,
№141 Қ.Сәбиров атындағы орта мектептің 7-сынып оқушысы
Пікірлер жоқ. Бірінші болыңыз!