Биыл елордада тұрғындарға көмір сатуға арналған 17 қойма (тұйық) бар, олардың ішінде 14 сату орны жұмыс істеп тұр, деп хабарлайды halyqline.kz тілшісі astana-akshamy.kz сайтына сілтеме жасап.
Барлығы тиісті инфрақұрылыммен және тиеу-түсіру техникасымен толық жабдықталған, деп хабарлайды Астана әкімдігінің ресми сайты.
Бұл сату орындарында 8 көмір жеткізуші компания қызмет көрсетеді. Олар мына мекенжайларда орналасқан: Герцен көшесі, 4/1, Герцен көшесі, 6/2, Көктал, 28/2, Мақат, 40, Жамбыл Жабаев көшесі, 76, Ахмет Жұбанов көшесі, 35, Дулатов көшесі, 182/1, 85-көше (ЖЭО-3 ауданы), уч. 9А, Герцен көшесі, 6Б.
Қазіргі таңда Астанада көмірдің орташа бағасы мынадай:
- Шұбаркөл – 18 000 теңге/тонна;
- Қаражыра – 18 500 теңге/тонна;
- Майкөбе – 15 500 теңге/тонна.
Еске сала кетейік, қалада «109» бірыңғай нөмірі бойынша байланыс орталығы жұмыс істейді. Осы нөмір арқылы көмірдің қолжетімділігі, бағасы және сату орындары туралы қажетті ақпарат алуға болады.
Пікірлер жоқ. Бірінші болыңыз!