Ақтау көшелерінің бірінде қайғылы жағдай болды, деп хабарлайды halyqline.kz тілшісі El.kz интернет порталына сілтеме жасап.
Куәгерлердің айтуынша, ер адам көз жұмған. Белгілі болғандай, марқұм курьер болып жұмыс істеген. Ол тапсырысты 5-шағын ауданда орналасқан «Волна» базары маңына жеткізгеннен кейін өзін жайсыз сезініп, құлап қалған. Жолаушылар дереу жедел жәрдем шақырып, алғашқы көмек көрсетуге тырысқан. Олар жағдайдың нашарлауына ыстық ауа райы себеп болды деп ойлап, ер адамға су бүркіген.
Полиция департаментінің хабарлауынша, қоңырау бүгін, 21 тамыз күні, сағат 13:32-де түскен. Алдын ала мәлімет бойынша, 1976 жылы туған ер адам биологиялық өлімге ұшыраған. Қайтыс болу себебі сот-медициналық сараптама нәтижесінде анықталмақ.
Пікірлер жоқ. Бірінші болыңыз!