Кеше Қорқыт Ата атындағы Қызылорда университетінің профессоры, философия ғылымдарының докторы, облыстық ҚХА Ақсақалдар кеңесі төрағасының орынбасары, ғылыми сарапшылық топтың мүшесі Баймырза Қожамберлиевтің 70 жылдық мерейтойы салтанатты түрде аталып өтті.
Салтанатты іс-шараға Қызылорда облысы әкімінің орынбасары Шахмардан Байманов, Қазақстан Республикасының Ұлттық Ғылым академиясы академигі, Қазақстанның еңбек сіңірген қайраткері, техника ғылымдарының докторы, профессор Қылышбай Бисенов, Мемлекет және қоғам қайраткері, саяси ғылымдарының докторы, профессор Мұрат Бақтиярұлы, Қызылорда облысы ардагерлер кеңесінің төрағасы Серік Дүйсенбаев, Қызылорда облыстық Қазақстан халқы Ассамблеясының Ақсақалдар кеңесінің төрағасы, қоғам қайраткері Нұрмұрат Ерманов, философия ғылымдарының докторы, профессор, әл-Фараби атындағы Қазақ ұлттық университеті «Қазақ философиясы» Ғылым және білім орталығының директоры Гүлжихан Нұрышева, әл-Фараби атындағы Қазақ ұлттық университеті философия кафедрасының профессоры, философия ғылымдарының докторы Ғазиз Телебаев, әл-Фараби атындағы Қазақ ұлттық университеті философия кафедрасының доценті, философия ғылымдарының кандидаты Лесхан Асқар, «AMANAT» партиясы облыстық филиалының төрағасы Алмасбек Есмаханов және зиялы қауым өкілдері, ардагер ұстаздар, университеттің профессор-оқытушылары, ұйым басшылары, ғалымның достары мен жақындары, және білім алушылар қатысты.
Саналы ғұмырын білім мен ғылымға, ел бірлігі мен қоғамдық келісімді нығайту ісіне арнаған құрметті ұстаз, ұлағатты азаматты құттықтауға ел ағалары мен әріптестері, шәкірттері мен үзеңгілестері жиналып, мерейтой иесінің ғылым мен қоғамға сіңірген еңбегі жоғары бағаланып, жылы лебіздер айтылды.
Салтанатты шарада облыс әкімінің орынбасары Шахмардан Байманов мерейтой иесіне ыстық ықыласын білдіріп, облыс әкімінің Құрмет грамотасы мен арнайы құттықтау хатын табыстады.
-Баймырза Қожамберліұлы – қазақ философиясының төл рухани кеңістігінде өзіндік қолтаңбасы бар, терең ойлы, тұғырлы тұлға. Оның ғылыми мұралары мен азаматтық болмысы – жас буынға үлгі,-деді Шахмардан Асқарұлы.
Ал Ақсақалдар кеңесінің төрағасы Нұрмұрат Ерманов Баймырза Қожамберліұлының ел ішіндегі татулық пен тұрақтылықты сақтаудағы ерен еңбегін ерекше атап өтіп, иығына құрметтің белгісі ретінде шапан жапты.
Салтанатты шара соңы естелік суретке түсу және жылы жүздесулермен жалғасты.
Пікірлер жоқ. Бірінші болыңыз!